Көпбалалы отбасыларға жәрдемақы төлеміне қатысты өзгерістер енгізіледі – министрлік түсіндірмесі

Орташа табыс деңгейінен жоғары кірісі бар көпбалалы аналар жеңілдіктерінен айрылуда. Еңбек және халықты әлеуметтік қорғау министрі Светлана Жақыпова жағдайға қатысты пікір білдірді, - деп хабарлайды "Opennews.kz" ақпарат агенттігі.

Министрдің айтуынша, көпбалалы аналар мен отбасыларға арналған барлық конституциялық кепілдіктер сақталады. 

Министр "Күміс алқа", "Алтын алқа" медалдарымен, "Батыр Ана" атағымен және I және II дәрежелі аналық даңқ ордендерімен марапатталған әйелдер көпбалалы ана ретінде өмір бойы төлем алатынын атап өтті. 

Жергілікті биліктен берілетін жеңілдіктерге (тегін тамақтану немесе басқа әлеуметтік қолдау түрлері)  қатысты шешімдерді жергілікті атқарушы органдар қабылдайды. 

Еске салсақ, бұған дейін кейбір көпбалалы отбасыларға мемлекеттен жәрдемақы беру тоқтатылатыны туралы жазған едік.