Кейбір қазақстандықтар несие бойынша төлемдерін кейінге шегере алады

Қазақстандық банктер мен микроқаржы ұйымдары әлеуметтік осал топтарға және төтенше жағдайлардан зардап шеккен азаматтарға қарыз бойынша төлемді кейінге шегеруге міндетелді, - деп хабарлайды "Opennews.kz" ақпарат агенттігі.

Жаңа өзгеріс қаржы нарығын реттеу және дамыту агенттігінің қаулысына енгізілді. Құжатта қарыз алушы жеке тұлғаларға қарызын өтеу бойынша кемінде үш ай мерзімге комиссиялар мен өзге де қосымша төлемдерсіз кейінге шегеру мүмкіндігі берілетіні айтылған.

Сонымен қатар мерзімі өткен қарызды реттеу үшін қажет құжаттардың бірыңғай тізімі енгізілді:

- жұмыссыз ретінде тіркелгені туралы анықтама,

- соңғы алты айдағы табыс туралы анықтама,

- еңбек шартын бұзу немесе жалақы сақталмайтын демалыс беру жөніндегі жұмыс берушінің актісі,

- уақытша еңбекке жарамсыздық туралы құжат,

- жалақысы көрсетілген жұмыс орнынан анықтама,

- БЖЗҚ-дан анықтама.

Сондай-ақ жүктілік пен босануына, бала асырап алуына немесе үш жасқа дейінгі бала күтіміне байланысты демалысты растайтын құжаттар да ескеріледі.