Жаңа жылдан кейін ет бағасы өсе ме?

4 қараша 2025, 13:13

2 526

Ауыл шаруашылығы министрі Айдарбек Сапаров үкіметтік брифингте азық-түлік, әсіресе ет бағасының өсуі мүмкін бе деген сұраққа жауап берді,- деп хабарлайды Opennews.kz ақпарат агенттігі.

Журналистердің айтуынша, соңғы уақытта интернетте азық-түлік бағасының көтерілуі мүмкін деген болжамдар жиі талқыланып, кейде 20%-дан астам қымбаттауы мүмкін деген пікірлер айтылуда. Осыған байланысты олар министрден бұл алаңдаушылық қаншалықты негізді және жаңа жыл алдында және кейін ет бағасы қалай өзгеретінін сұрады.

Айдарбек Сапаров сыртқы нарықтағы сұраныстың артқанын, бірақ бағаның қазір тұрақталғанын айтты.

Министрдің дерегінше, орташа баға – 3 249 теңге. "Бүгін таңертең дүкендер мен базарларға барып, бағаларды өзім тексердім. Кейбір жерлерде ет 3,5–3,6 мың теңге, ал премиум санаттағы ет 4–5 мың теңгеден сатылуда. Жалпы орташа баға тұрақты және әзірге өзгермейді", – деді ол.

Оның айтуынша, тірі мал экспортталмайды, ал ет экспортына квота қойылған, сондықтан нарықта мәселе туындамауы тиіс.