Автосақтандыру бағасы қымбаттайды

Автокөліктерді сақтандыру бағасын есептеу үшін қолданылатын аймақтық коэффициенттер қайта қаралды. Жаңартылған көрсеткіштер көліктің тіркелген өңіріне қарай белгіленеді,-деп хабарлайды Opennews.kz ақпарат агенттігі.

Коэффициент жоғарылаған сайын автосақтандыру құны да ұлғаяды. Ең қымбат өңірлер қатарына Қызылорда облысы кірді: коэффициент 1,66-дан 1,85-ке көтерілді. Жамбыл облысында көрсеткіш 1,62-ден 1,74-ке, Түркістан облысында 1,57-ден 1,69-ға, Шымкентте 1,49-дан 1,61-ге өскен.

Ең арзан өңірлер өзгерген жоқ: Солтүстік Қазақстан облысында – 0,67, Алматы қаласында – 0,71, Шығыс Қазақстан облысында – 0,72. Атырау облысында ең төменгі коэффициент – 0,48. Астанада коэффициент 1,36-дан 1,44-ке артты.

Жаңартылған коэффициенттер автосақтандыру бағасына тікелей әсер етеді: көрсеткіш неғұрлым жоғары болса, сақтандыру соғұрлым қымбатқа түседі.