2026 жылы жәрдемақы, мемлекеттік баж және айыппұлдар қалай өзгереді?
2026 жылғы 1 қаңтардан бастап Қазақстанда айлық есептік көрсеткіш (АЕК) 4 325 теңге болып бекітіледі. Бұл әлеуметтік жәрдемақылар мен мемлекеттік баждардан бастап, әкімшілік айыппұлдардың көлеміне дейін әсер етеді,-деп хабарлайды Opennews.kz ақпарат агенттігі.
Мемлекеттік баж мөлшерлері:
Жеке куәлік — 865 теңге (0,2 АЕК)
36 беттік паспорт — 34 600 теңге (8 АЕК)
48 беттік паспорт — 51 900 теңге (12 АЕК)
16 жасқа дейінгі балаларға 24 беттік паспорт — 17 300 теңге (4 АЕК)
Бала тууға берілетін біржолғы жәрдемақы:
1–3 бала — 164 350 теңге (38 АЕК)
4 және одан көп бала — 272 475 теңге (63 АЕК)
1,5 жасқа дейінгі бала күтімі бойынша ай сайынғы төлем:
1-бала — 24 912 теңге
2-бала — 29 453 теңге
3-бала — 33 951 теңге
4 және одан көп бала — 38 493 теңге
Көпбалалы отбасыларға төлемдер:
4 бала — 69 330 теңге
5 бала — 86 673 теңге
6 бала — 104 016 теңге
7 бала — 121 360 теңге
8 және одан көп — әр балаға 17 300 теңге
Жас мамандарға көтермеақы — 432 500 теңге (100 АЕК)
Тұрғын үйге арналған бюджеттік несие — 10 812 500 теңге (2 500 АЕК), жылдық мөлшерлеме — 1%.
Әскери қызметшілердің далалық төлемі — тәулігіне 5 190 теңге (1,2 АЕК).
2026 жылы ең жиі салынатын айыппұлдар:
Тоқтау және тұрақ ережелерін бұзу — 21 625–43 250 теңге (5–10 АЕК)
Жылдамдықты +1–40 км/сағ асырғаны үшін — 21 625 теңге (5 АЕК)
Қызыл түсіне өту — 43 250 теңге (10 АЕК)
Тұтас сызықты басу, белгі талаптарын бұзу — 12 975 теңге (3 АЕК)
Техникалық ақауы бар көлікпен жүру — 21 625 теңге (5 АЕК)
Белдік тақпау, шлем кимеу — 21 625 теңге (5 АЕК)
Жаяу жүргіншілер ережесін бұзу — 8 650 теңге (2 АЕК)
Қоғамдық орындарды ластау — 43 250 теңге (10 АЕК)
Алкоголь ішу немесе мас күйінде қоғамдық орынға келу — 21 625 теңге (5 АЕК)
Түнгі уақытта тыныштықты бұзу:
жеке тұлғалар — 21 625 теңге
шағын бизнес — 43 250 теңге
орта бизнес — 64 875 теңге
ірі бизнес — 216 250 теңге
Тыйым салынған жерде темекі шегу — 21 625 теңге (5 АЕК)
Ұсақ бұзақылық — 86 500 теңге (20 АЕК)
2026 жылғы АЕК өсімімен бірге азаматтар үшін әлеуметтік төлемдер ұлғаяды, ал құқық бұзғандар үшін айыппұлдар қымбаттайды.
