Үкімет 3 айдың әлеуметтік-экономикалық даму қорытындысын шығарады

Министрлер кабинетінің мүшелері осы жылдың 3 айындағы еліміздің әлеуметтік-экономикалық даму қорытындысын шығарып, республикалық бюджеттің атқарылуына қатысты Қаржы министрінің есебін тыңдайды,- деп хабарлайды Opennews.kz ақпарат агенттігі kaz.inform.kz сайтына сілтеме жасап.

Үкімет отырысынан кейін БАҚ өкілдеріне арналған баспасөз мәслихаты өтеді. Онда тілшілердің сұрақтарына Ұлттық экономика бірінші вице-министрі Азамат Әмрин, Қаржы вице-министрі Ержан Біржанов, Өнеркәсіп және құрылыс вице-министрі Олжас Сапарбеков және Энергетика вице-министрі Қайырхан Тұтқышбаев жауап береді.
Ұлттық статистика бюросының дерегінше, 2026 ж қаңтар–наурызда көтерме сауда көлемі 10,8 трлн теңгені, ал бөлшек сауда 5,2 трлн теңгені құрады. Бөлшек сауда көлемі өткен жылдың осы кезеңімен салыстырғанда 2,8%-ға өсті. Ауыл шаруашылығында сиыр сүті өндірісі 3,6%-ға, жұмыртқа өндірісі 9,5%-ға артты, ал мал мен құс етін өндіру 3,4%-ға төмендеді. 

Байланыс саласында нақты көлем индексі 103,9%-ды көрсетті. Негізгі үлесті интернет және ұялы байланыс қызметтері алады. Көлік саласында теміржол арқылы 90,7 млн тонна жүк және 4,7 млн жолаушы тасымалданды. Автокөлікпен жүк тасымалы 20,4%-ға, жолаушылар тасымалы 9,5%-ға өсті. Әуе көлігімен 3,4 млн жолаушы тасымалданса, теңіз көлігімен жүк тасымалы 1,1%-ға азайған.