Ресей банктерінің қазақстандық бөлімшелерінде 9,2 млрд теңге бұғатталған - Мәдина Әбілқасымова

540
ҚР Қаржы нарығыны реттеу және дамыту агенттігінің төрағасы Мәдина Әбілқасымова: «Альфа-Банк» АҚ еншілес банкінің жекелеген клиенттерінің 3,9 млрд теңге болатын шетел валютасындағы төлемдер мен аударымдары бұғатталғанын жеткізді, - деп хабарлайды Opennews.kz ақпарат агенттігі. 

 
«Санкциялық талаптар аясында жекелеген шетелдік банктер – «Сбербанк» АҚ еншілес банкінінің, «Альфа-Банк» АҚ еншілес банкінің және «Банк ВТБ (Қазақстан)» АҚ еншілес ұйымының шетел валютасындағы корреспонденттік шоттары бұғатталған. Аталған банктердің мәліметінше, салдарынан жалпы сомасы шамамен 9,2 млрд теңге («Сбербанк» АҚ ЕБ бойынша – 2,7 млрд теңге, «Альфа-Банк» АҚ ,ЕБ бойынша – 6,2 млрд теңге, «Банк ВТБ (Қазақстан)» АҚ ЕҰ бойынша – 0,3 млрд теңге) болатын қалдықтарға шектеу қойылған. Бұдан басқа «Сбербанк» АҚ еншілес банкінің жекелеген клиенттерінің 2,9 млрд теңге болатын шетел валютасындағы төлемдерді бұғатталған. «Альфа-Банк» АҚ еншілес банкінің жекелеген клиенттерінің 3,9 млрд теңге болатын шетел валютасындағы төлемдер мен аударымдары бұғатталды. Қазіргі таңда банктің жаңа акционері «Банк ЦентрКредит» АҚ банкті АҚШ пен бірқатар басқа елдердің санкциялық тізімінен шығару жұмыстарын жүргізуде» деп жазылған жауапта. Агенттік басшысының дерегі бойынша, «Банк ВТБ (Қазақстан)» АҚ еншілес ұйымының клиенттерінің төлем және аударым операциялары шеңберінде қаражаттарды оқшаулау немесе бұғаттау фактілері жоқ. Сондай-ақ, ол аталған еншілес банктердің басындағы проблеманың салдарынан шығын көрдім деп есептейтін қазақстандықтар сотқа жүгіне алатынын айтады. «Сбербанк» АҚ еншілес банкі және «Альфа-Банк» АҚ еншілес банкі қаражатын бұғаттау және олардың клиенттерінің қаражатын оқшаулауға байланысты қалыптасқан жағдай сыртқы геосаяси тәуекелдерге байланысты. Осы орайда клиенттер екі банкке қатысты шығындарын өтеп алу үшін азаматтық талап арыз берген жағдайда банктер сот органдарының шешімдеріне сәйкес бұл талапты қанағаттандырады», - деп жазады Мәдина Әбілқасымова.