Қаз
Рус
Елімізде екінші сынып оқушыларының оқу бағдарламасынан шет тілі пәні алынып тасталмақ
Екінші сынып оқушыларына арналған оқу бағдарламасынан шет тілі пәнін алып тастау жоспарлануда, - деп хабарлайды "Opennews.kz" ақпарат агенттігі.
Тиісті құжат «Ашық НҚА» порталында жарияланды. Оның талқылауы 24 сәуірге дейін жалғасады.
«2023 жылдың 1 қыркүйегінен бастап 2-сыныпта «Шет тілі» пәні алынып тасталды. «Көркем еңбек» пәнінің орнына «еңбекке баулу» және «бейнелеу өнері» пәндері енгізілді. 10-11 сыныптарда оқу жүктемесінің қысқаруымен үлгілік оқу жоспарларында «Шет тілі» пәні бойынша сағат саны ауыспалы жүктеме сағатының есебінен 1 сағатқа ұлғайтылды», - делінген түсіндірме жазбада.
Нәтижесінде 11 жылдық оқыту шеңберінде оқу бағдарламаларын жетілдіру бойынша жүйелі жұмыс Қазақстандық білім беру жүйесін білім берудің халықаралық стандарттық сыныптамасы деңгейіне шығаруға мүмкіндік береді және мектеп түлектеріне Еуропалық біліктілік шеңберінің қажетті деңгейлерін игеруге мүмкіндік береді, деп сендірді жоба авторлары.
