Қазақстандық 8 оқушы Азия олимпиадасында бақ сынауда

Физика пәнінен 22-Азия олимпиадасында қазақстандық 8 оқушы қатысып жатыр,  -   деп хабарлайды Opennews.kz ақпарат агенттігі. 

Физикадан республикалық олимпиада жеңімпаздары мен жүлдегерлері болған  Ұлттық құрам қатысушылары Нұр-Сұлтан, Алматы, Павлодар, Атырау және Ақтөбе қалаларының 10-11-сынып оқушылары екен. 

Құрлықтық халықаралық олимпиадаға әлемнің 20-дан астам елінің өкілі қатысады. Оның ішінде Бангладеш, Камбоджа, Қытай, Үндістан, Индонезия, Израиль, Малайзия, Моңғолия, Пәкістан, Румыния, Ресей, Сингапур, Шри-Ланка, Қазақстан, Сауд Арабиясы, Түркия, Таиланд, Тайвань, Вьетнам сияқты елдер бар. 

«Қазақстандық мектеп оқушылары жыл сайын физикадан Азия олимпиадасына қатысады. Мектеп оқушылары үшін өз білімін әлемдік деңгейде көрсетуге және Азия-Тынық мұхиты аймағындағы үздік елдердің көшбасшыларымен бәсекеге түсуге таптырмас мүмкіндік. 2021 жылы ұлттық құрама 1 алтын, 3 қола медаль жеңіп алды. Биылғы нәтиже бұдан да жақсы болады деп сенеміз», - деді «Дарын» республикалық ғылыми-практикалық орталығының директоры Тимур Нұркешев. 

Физика бойынша Азия олимпиадасындағы жеңіс балаларға ұлттық құрамаға кіруге және халықаралық математикалық олимпиадада (IMO) Қазақстан атынан шығуға мүмкіндік береді.