Қазақстандық оқушылар Балқан түбегіндегі ең мықты жас математиктердің үштігіне кірді

Болгарияның Варна қаласында математикадан 41-ші Балқан олимпиадасы (BMO) аяқталды, - деп хабарлайды "Opennews.kz" ақпарат агенттігі.

Білім додасында оқушыларымыз жалпы командалық үшінші орынды жеңіп алды, деп хабарлады Оқу-ағарту министрлігінің баспасөз қызметі мәлімдеді.

Оған 22 елден 130-дан астам оқушы қатысты.

Ұлттық құрама қоржынында 1 алтын, 2 күміс және 3 қола бар.

1-орын: Жан Даутов — Қостанай қаласындағы «Білім-инновация» мектеп-лицейінің 10 сынып оқушысы;

2-орын: Әмірлан Аманжолов — Алматы қаласындағы РФММ 10 сынып оқушысы;

2-орын: Мирон Юркевич — Алматы қаласындағы Haileybury Almaty халықаралық мектебінің 12 сынып оқушысы;

3-орын: Марғұлан Шарел — Тараз қаласындағы «Білім-инновация» мектеп-лицейінің 10 сынып оқушысы;

3-орын: Тимур Мұрат — Алматы қаласындағы РФММ 10 сынып оқушысы;

3-орын: Әмір Сахипов – Алматы қаласындағы РФММ 10 сынып оқушысы.

Жетекшілері – PhD докторы, профессор, KBTU-нің академиялық сұрақтар жөніндегі проректоры Асылбек Исахов және математикадан республикалық, халықаралық олимпиадалардың жүлдегері Қанат Сатылханов.

Айта кетсек, Қазақстан құрама командасының математикадан 41-ші Балқан олимпиадасына қатысу арқылы осы жылдың 11-24 шілде аралығында Ұлыбританияда өтетін математикадан халықаралық олимпиадаға (IMO) дайындалып, тәжірибе жинайтын болады.