Шымкентте «XXI ғасыр көшбасшысы» зияткерлік сайысының қалалық іріктеу кезеңі өтті
Шымкентте «XXI ғасыр көшбасшысы» зияткерлік сайысының қалалық іріктеу кезеңі өтті, - деп хабарлайды "Opennews.kz" ақпарат агенттігі.
Интеллектуалдық ойынға 37 оқушы қатысып, білім деңгейін көрсетті. Оқу-ағарту министрлігі мен «Хабар» Агенттігі» АҚ бірлесіп ұйымдастырған білім байқауының алғашқы кезеңінде жүзден астам үміткер өтініш білдірген болатын. Енді жалпы айналымда үздік шыққан 5 оқушы республикалық жарысқа жолдама алды. Зияткерлік сайысқа мамандандырылған мектептің кіл мықтылары жиналды. Алғашқы іріктеуден сүрінбей өткен оқу озаттары үш кезеңнен тұратын интеллектуалдық ойында бақ сынады. Әуелі түрлі сұрақты қамтыған 90 минуттық тестілеуге қатысып, тыңғылықты дайындығын көрсетті. Білім жарысының жауапкершілігі мен маңыздылығын жақсы білген оқушылар ұпай түгелдеді.
