Мектеп қабырғасында смартфон ұстауға бола ма?

ҚР Білім және ғылым министрлігі мектеп оқушыларының ата-аналары  жолдаған сауалдарға жауап берді, - деп хабарлайды Opennews.kz ақпарат агенттігі.

"Көрсетілген тізімге сәйкес ақпаратты сақтауға болатын мобильді құрылғыларды (пейджер, планшет, смартфон, iPad iPod плеер, модем (мобильді роутер) оқу кезінде (арнайы әскери, мамандандырылған білім беру мекемелерін санамағанда) қолдануға шектеу қойылған", - делінген министрлік жауабында. 

Сондай-ақ министрлік бұйрықта мобильді телефонды сабақ барысында қолдануға шектеу енгізілгенін мәлімдеді.

"Бұл білім алушылар арасында ақпарат алмасуға, яғни академиялық әділдіктің дамуына және сабақ кезінде өзге нәрсеге алаңдамауына бағытталған", - деп түсіндірді Білім және ғылым министрлігі. 

Балалардың ұялы телефон қолдануы тек білім беру мекемесінде ғана шектеледі, ал өзге орындарда олар смартфон қолдануға құқылы.