RUB (-0.04) 7.66 KZT
USD (-0.45) 468.45 KZT
EUR (+3.42) 489.06 KZT
Білім
67

Жемқорлардың ақшасы енді мектеп салуға жұмсалады - Президент

Мемлекет қаржысын жеп сотталғандардың ақшасына енді мектеп салынады,- деп хабарлайды  Opennews.kz ақпарат агенттігі Экспресс К сайтына сілтеме жасап.


Бұл туралы Президент Қасым-Жомарт Тоқаев айтты. 


Мемлекет басшысы еліміздің дамуына кедергі келтіріп отырған кеселдің бірі сыбайлас жемқорлық екенін атап өтті.

Онымен күресу — баршамызға ортақ міндет. Бұл бағытта соңғы үш жылда біраз шаруа атқарылды. Мысалы, осындай қылмысы үшін сотталғандарды мерзімінен бұрын шартты түрде босатуға тыйым салынды. Енді олардан қайтарылған қаражат мектеп салуға жұмсалады,— деді Қасым-Жомарт Тоқаев.

Ол жемқорлықпен күрес тиімді болуы үшін мемлекеттік сатып алу жүйесіне бірқатар өзгеріс енгізілгеніне тоқталды.


Сондай-ақ бұған құзырлы орган басшыларының жауапкершілігі артқан. Бір сөзбен айтқанда, жемқорлықпен күрес ешқашан тоқтамай, жалғаса бермек.