Қазақстанда алғаш рет инсульттің алдын алатын ота жасалды

Ахмет Ясауи университетінің Клиника-диагностикалық орталығында алғаш рет бас миы тамырларының аневризмасына емдік ота жасалынды, - деп хабарлайды "Opennews.kz" ақпарат агенттігі.

Қарапайым тілмен айтқанда, бұл – инсульттың алдын алатын ота. Операция екі жарым сағатқа созылып, ангиография құрылғысының көмегімен және эмболизация әдісін қолдану арқылы жасалды. Отаға нейрохирургтар, реаниматолог-анестезиологтар мен неврологтар қатысты.

Клиниканың бас дәрігері Мехмет Зия Генчер айтуынша, ми аневризмасы бас миындағы әлсіреген қан тамырлары ісініп, томпайғаннан кейін дамиды. Егер дер кезінде медициналық көмек көрсетілмесе, аневризма жарылып, миға қан құйылуы мүмкін.

Айта кетейік, университет клиникасы 2023 жылдың 1 қыркүйегінде Түркістан облысындағы үшінші дәрежелі бірінші және жалғыз инсульт орталығы ретінде Қазақстан Денсаулық сақтау министрлігінде аккредитациядан өтті. Клиника-диагностикалық орталығында бас миы тамырларына жасалып жатқан оталар жақын келешекте облыстағы инсульттан болатын өлім-жітім мен мүгедектік санын азайтуға айтарлықтар ықпал етеді деген сенім мол.