Алғаш рет екі адамға көздің қасаң қабығы трансплантацияланды
Алматыда алғаш рет екі науқасқа көздің қасаң қабығын сәтті трансплантациялау операциясы жасалды. Хирургиялық оталар Орталық қалалық клиникалық ауруханада жүргізілді,- деп хабарлайды "Opennews.kz" ақпарат агенттігі.
Науқас ауруханаға геморрагиялық инсультпен түскен болды.
Екі күн бойы оған хаттамаларға сәйкес толық көлемде медициналық көмек беріліп, дәрігерлік консилиумдар өткізілді. Алайда мамандардың барлық күш-жігеріне қарамастан, науқасты құтқарып қалу мүмкін болмады, биологиялық өлім тіркелді.
Науқаста қайтыс болғаннан кейінгі ағза донорлығына ресми келісім болған, сондай-ақ оның жақын туыстары да жазбаша түрде рұқсат берген.
Көпмүшелік ағза алудан кейін донордың жүрегі Астанадағы Ұлттық ғылыми медициналық орталыққа жеткізіліп, науқасқа сәтті ауыстырылды. Қазір оның жағдайы қанағаттанарлық.
Бүйректері де Астанаға жеткізіліп, балаларға салынды. Екі трансплантация да сәтті өтті.
