Тексеруден кейін 250-ге жуық емдеу кабинеті жабылды

Денсаулық сақтау министрлігінің республика бойынша жүргізген тексерістері барысында 406 емшара кабинетінде заңсыз қызмет, санитариялық талаптардың бұзылуы және дәрілерді дұрыс сақтамау фактілері анықталды,- деп хабарлайды Opennews.kz ақпарат агенттігі.

Түсіндіру жұмыстарынан кейін 247 кабинет өз еркімен қызметін тоқтатты. 84 нысанға жасалған жоспардан тыс тексерістер кезінде лицензиясыз жұмыс істеу, білікті мамандардың болмауы және шұғыл көмекке қажетті құрал-жабдықтың толық жинақталмауы секілді бұзушылықтар тіркелді. Нәтижесінде 15 млн теңгеден астам айыппұл салынған 122 әкімшілік хаттама рәсімделді.

Министрлік тұрғындардың қауіпсіздігін қамтамасыз ету мақсатында бақылауды жалғастыратынын хабарлады.