Қаз
Рус
Қызылордада канал маңындағы қураған шөптер отқа оранды
290
Қызылорда қаласының Наурыз саяжайы тұсындағы Шіркейлі каналының жиегінде қураған шөптер отқа оранды, - деп хабарлайды "Opennews.kz" ақпарат агенттігі.
Бүгін 12 маусым Қызылорда қаласына қарасты Наурыз саяжайы тұсындағы Шіркейлі каналының жиегінде қураған шөптер отқа оранып, сөндіру қызметіне шақырту келіп түскен.
Сағат 14-тен 50 минут өткен шамасында жану оқиғасы туралы хабар келді. Анықталғандай: Қызылорда қаласы, Наурыз саяжайының тұсындағы Шіркейлі каналының жиегінде шамамен ауданы 5 га қураған шөп, шеңгел, жыңғыл жануда. Оқиға орнында өртті сөндіруге: 4 техникамен 21 қызметкер жұмылдырылды. Оқиға орнында Штаб құрылды. Құрметті өңір тұрғындары! Әрқашанда табиғат аясында, көшеде, тұрмыста өрт қауіпсіздігі қағидаларын қатаң сақтауды сұраймыз, - деді Қызылорда облысының Төтенше жағдайлар департаменті.
