“Союз МС-26“ ғарыш кемесі Қазақстанға қонды

"Роскосмос" агенттігінің хабарлауынша, ресейлік ғарышкерлер мен америкалық астронавт отырған "Союз МС-26" ғарыш кемесінің капсуласы Қазақстан даласына қонды, - деп хабарлайды "Opennews.kz"  ақпарат агенттігі.

Кеме 20 сәуір күні Астана уақытымен түнгі 02:57-де Халықаралық ғарыш станциясынан ажыратылды. Сағат 05:27-де тежеу жүйесі іске қосылып, "Союз МС-26" Жер атмосферасының тығыз қабаттарына кіріп, бірнеше бөлікке бөлінді. Қону Астана уақытымен 06:20-да Жезқазған маңындағы далаға парашют арқылы жүзеге асты.

"Роскосмос" агенттігі қону сәтін тікелей эфирде көрсетті.