Қызылордада 1100-ден астам жасөспірім құқық бұзғаны үшін ұсталды

14 қараша 2025, 12:35

2 531

Осы уақытта үй-жайларды тексеру шаралары барысында тіркеуден өтпеген 56 аңшы қаруы (шолақ мылтық), сондай-ақ 5 газды, 1 ұңғысыз тапанша және 1 иір ойықты қару анықталып, тәркіленді. Бұған қоса, қаруды сақтау және алып жүру қағидаларын бұзған 141 азаматқа қатысты Әкімшілік кодекстің 484 және 486-баптары бойынша хаттама толтырылды, - деп хабарлайды "Opennews.kz" ақпарат агенттігі.

Облыстық полиция департаментінің мәліметінше, профилактикалық іс-шара кезінде 1154 кәмелетке толмаған жасөспірім ұсталған. Оның 58-і бейімдеу орталығына орналастырылды, қалғандарына түрлі құқықбұзушылықтар бойынша хаттама рәсімделді. Сондай-ақ қоғамдық оқшаулаумен байланысты емес жазаны өтеу шарттарын бұзудың 92 дерегі анықталды. Құқықбұзушылық жасаған 1225 адам ішкі істер органдарына жеткізіліп, олардың саусақ іздері алынды.

Жергілікті полиция қызметі басқармасы бастығының орынбасары Рауан Әлдешов профилактикалық іс-шараның 1 желтоқсанға дейін жалғасатынын атап өтті. Оның айтуынша, полицейлер аймақты аралау барысында арнайы киім үлгісінде болады.

— Құқықбұзушылық жасаған 1154 кәмелетке толмаған ұсталып, оның 58-і бейімдеу орталығына жатқызылды. Қалғанына әртүрлі құқықбұзушылықтары бойынша хаттама толтырылды. Қоғамдық оқшаулаумен байланысты емес жазаны өтеу шарты мен тәртібін бұзудың 92 дерегі анықталды. Әртүрлі құқықбұзушылыққа барған 1225 адам ішкі істер органдарына жеткізіліп, қол саусақ іздері алынды, — деді облыстық полиция департаменті жергілікті полиция қызметі басқармасы бастығының орынбасары Рауан Әлдешов.

— Қызметтік куәлігін көрсетеді және заңды талаптармен ғана жүреді. Егер күмән туындаса, 102 нөміріне хабарласуды сұраймыз, — деді Рауан Әлдешов.