ЖАҢАҚОРҒАН АУДАНЫНЫҢ ӘКІМІ САЙЛАУ УЧАСКЕЛЕРІНІҢ ДАЙЫНДЫҒЫН БАҚЫЛАДЫ

ЖАҢАҚОРҒАН АУДАНЫНЫҢӘКІМІ САЙЛАУ УЧАСКЕЛЕРІНІҢ ДАЙЫНДЫҒЫН БАҚЫЛАДЫ

Бүгін аудан әкімі Жарқынбек Ғалымжан аудандағы бірқатар сайлау учаскелерін аралап, 23 тамызда өтетін Құрылтай сайлауына дайындық барысымен танысты.

Құрылтай сайлауы – еліміздің қоғамдық - саяси өміріндегі маңызды науқанның бірі. 

Ауданда сайлауды ұйымдастыруға дайындық жұмыстары бекітілген жоспарға сәйкес жүргізілуде.

Қазіргі таңда аудан бойынша 42 учаскелік сайлау комиссиясы бар.

Аудан әкімі сайлау учаскелерінің материалдық-техникалық тұрғыдан толық дайын болуын, санитарлық тазалықтың сақталуын, дауыс берушілерге қажетті қолайлы жағдай жасауды және қоғамдық қауіпсіздікті қамтамасыз етуді тапсырды.

Сондай-ақ жауапты мекемелерге сайлау процесінің заң талаптарына сәйкес, ұйымдасқан әрі жоғары деңгейде өтуін қамтамасыз ету жөнінде нақты міндеттер жүктеді.