Қызылордада пара алған сот төрағасы мен судья 9 жылға бас бостандығынан айырылды

Қызылорда облысындағы Қазалы аудандық сотының төрағасы Д.Әбдіқалықов пен судья С.Бертайға қатысты сот үкімі шықты, - деп хабарлайды  Opennews.kz  ақпарат агенттігі. 

Ұлттық қауіпсіздік комитеті баспасөз қызметінің мәліметінше, олардың әрқайсысы 9 жылға бас бостандығынан айырылды.

Олар Қылмыстық кодекстің 366-бабы 3-бөлігінің 2-тармағы және 366-бабы 3-бөлігінің 2, 4-тармақтары бойынша (сыбайлас жемқорлық қылмыстар) кінәлі деп танылды.

Елде сыбайлас жемқорлыққа қарсы іс-қимыл бағытындағы жүйелі жұмыстар жалғасып жатыр.