Жұлдыз Әбдікәрімова еш жерде жарияламаған отбасылық суреттерімен бөлісті

Актриса әрі тележүргізуші Жұлдыз Әбдікәрімова көпшілікке осыған дейін еш жерде жарияланбаған отбасылық суретін көрсетті, деп хабарлайды Opennews.kz ақпарат агенттігі. 


Әбдікәрімова Хабар арнасының "Оян" бағдарламасында отбасылық альбомын көрсетті. 

Менің ескі суреттерім өте көп. Альбом жинағанды өте қатты жақсы көремін, - деді балалық шағының суреттерін көпшілікке жариялаған актриса.

 

Пойыздан түсе сала, басыма орамал салған. Басымда үкім бар. 18 жастамын. Басымда орамал барын ұмытып кеткенмін, бәйтеректің ішіндемін. Бір кезде бәрі маған қарайды. Бұл үйлену тойымыздың суреті, 2007 жыл. Елдің бәрі бал айында Дубай, Мальдив аралдарына, Түрік еліне барса, біз Бурабайға бардық, - деді Жұлдыз Әбдікәрімова. 

Ол Қайрат Нұртаспен қыз-жігіт болып жүрген сәттерінен бастап, келін болып түскен уақытын, аяғы ауыр кезеңдегі суреттерін де алғаш рет жариялаған. 

Көбісі менің аяғым ауыр кезді ешкім көрмеген. Он жыл бойы үйде отырдым. Ешқайда шықпадым. Жүкті кездегі суреттерім ешқайда жарияланбады, - деді Қайрат Нұртастың жұбайы.