58 жасқа аяқ басқан әнші төртінші рет күйеуге шықпақ

Үш мәрте күйеуге шығып ажырасқан әнші Шахизада махаббат жасқа қарамайтынын айтып, тағы бір жігітпен құшақтасып түскен фотосын жариялады, деп хабарлайды Opennews.kz ақпарат агенттігі. 

Бізде жағдай осындай… Адамнан жасырғанды,құдайдан жасыра алмайсың… Көп сөге көрмеңіздер. Махаббат жасқа қарамайды екен, - дейді ол.

Фотодағы әнші жігіт Ерболат Ержанбаев та өз оқырмандарына Шахизаданы көрсетті.

Біреуден естігенше,өзімнің парақшамнан көргендеріңіз дұрыс шығар, - деп жазыпты ол өз парақшасында.

Сондай-ақ, тағы бір жазбасында Шахизадамен түскен суретінің астына сақина смайлигін қалдырып, көпшілікті қызықтырып қойды.

Желі қолданушылары арасында бақыт тілеп жатқандары да, сынап жатқандар да көп.

Еске салсақ, Шахизада жақында үшінші күйеуіне алданып қалғанын және 3 ай  ғана тұрып ажырасып кеткенін айтқан болатын.Әнші Шахизада биыл 58 жасқа толады. Ал Ерболат Ержанбаев 39 жаста.