«Ешкім күтпеген дуэт»: Мақпал Жүнісова мен Тұрар Ыдырыс бірге ән айтты

Кеше, 15:00

2 517

Қазақстанның халық әртісі Мақпал Жүнісова мен 2Rar лақап атымен танымал әнші Тұрар Ыдырыс сахнада бірге өнер көрсетіп, тыңдармандарын ерекше дуэтпен таңғалдырды, - деп хабарлайды Opennews.kz ақпарат агенттігі.

Өнер иелерінің бірлескен қызған биі мен әні түсірілген видеоны әлеуметтік желіге әнші Нұрлыбек Нағметов жүктеді.

«Меніңше, бұл тыңдармандар үшін күтпеген дуэт болды», – деп жазды ол.

«Хит болайын деп тұр»: Желі қолданушыларының реакциясы

Тұрар Ыдырыс та өз кезегінде аңыз әншімен түскен видеосын парақшасына орналастырып, аға буын өкіліне деген құрметін білдірді:

«Аңыз адам. Сiздi жақсы көремін, Мақпал Жүнісова!» – деп жазды жас әнші.

Желі қолданушылары Мақпал Жүнісованың сахнадағы тоқтаусыз энергиясы мен биіне тәнті болды:

«Күтпеген коллаборация болды!» «X буыны мен Z буынының тоғысуы! Өте керемет үйлесім, браво!» «Қандай ғажап дуэт, энергиясы сұмдық!» «Жасы 60-тан асса да, билеуі қандай керемет, нағыз хит болайын деп тұр!» – деп жазды оқырмандар.

Ерекше дуэт желіде тез тарап, өнерсүйер қауымның ыстық ықыласына бөленіп жатыр