"Тілеулес болыңыздаршы": Жұлдызай Дүйсенбиева денсаулығына байланысты әлеуметтік желіден кетті
2 579
Танымал актриса, әнші Жұлдызай Дүйсенбиева әлеуметтік желіден кеткенін айтты,- деп хабарлайды "Opennews.kz" ақпарат агенттігі.
Өнер иесі парақшасын қайын інісіне тапсырған.
“Ал сіздермен қоштасатын уақыт жетті. Сені сағынсаңыздар, теледидардан үзбей қарап отырсаңыздар болады. Парақшаны қайын ініме тапсырдым. Мені қуанышыңызда көргіңіз келсе, қайын ініме хабарласыңыздар. Айына екі-ақ қуанышты бөлісуге дайынмын. Бәріңізді жақсы көремін. Мен де өздеріңізді сағынатын боламын", – деп жазды актриса.
Бір күн өтпей жатып, актриса парақшасына ауруханадан сурет жүктеп, денсаулығының сыр бергенін айтты.
“Денсаулығыма байланысты уақытша деп ойлаймын. Парақшаға қайта оралармын. Маған сіздердің бата, қолдауыңыз керек. Тілеулес болыңыздаршы! Жағдайымды парақшамнан біліп тұрсаңыздар болады “, – деп жазды өнер иесі.
