Димаш Құдайберген Антикор басшысымен кездесті
Димаш Құдайберген елдегі сыбайлас жемқорлыққа қарсы күрес шараларын қолдайтынын айтты, - деп хабарлайды "Opennews.kz" ақпарат агенттігі.
Сыбайлас жемқорлыққа қарсы қызметтің мәліметінше, агенттік төрағасы Асхат Жұмағали Димаш Құдайбергенді сыбайлас жемқорлықтың алдын алу шаралары және ашықтықты арттыруға бағытталған әдістермен, сондай-ақ антикоррупциялық мәдениетті қалыптастыруға ықпал ететін негізгі жұмыс бағыттарымен таныстырды.
Жұмағалидың айтуынша, өнер қоғамдағы сыбайлас жемқорлыққа қарсы мәдениетті қалыптастыруда маңызды рөл атқарады. Сонымен қатар, ол өнер адамдарының көзқарасына ықпал етіп, ізгілік қағидаттарын нығайтуға көмектесетінін атап өтті.
Өз кезегінде, Димаш Құдайберген сыбайлас жемқорлыққа қарсы жүргізіліп жатқан жұмыстарға қолдау білдіріп, еліміздің болашағы үшін күреске өз үлесін қосатынын жеткізді.
