Қайрат Нұртас жас әншінің әнін рұқсатсыз орындады
2 633
Жас әнші Самат Жанғазин танымал өнер иесі Қайрат Нұртастың өзінің жаңа әнін авторлық рұқсатсыз орындап жүргенін хабарлады,- деп хабарлайды "Opennews.kz" ақпарат агенттігі.
Жанғазиннің айтуынша, "О махаббат, ғажапсың" атты әнді ол композитор Дәурен Шәріппен бірге жазған, ал аранжировкасын Азамат Сәбетов жасаған. Әншінің айтуынша, бұл шығарма үлкен еңбектің нәтижесінде дүниеге келген.
“Композитор Дәурен Шәріп ағамызбен былтырдан бері дайындадық. Күні-түні ұйықтамай студияда жаздық. Аранжировкасын Азамат Сәбетов есімді бауырымыз жасады. Осындай еңбекпен жарық көрген әнді сұрамай жаза салу деген қалай түсінесіздер?” – деп жазды ол.
