Актриса Айшолпан Байтүгелді келемеждеген дүкен даудың ортасында қалды
Әлеуметтік желіде актриса Айшолпан Байтүгел түсірілім кезінде косметика дүкенінің қызметкерлері тарапынан келемежге қалғанын айтты,-деп хабарлайды Opennews.kz ақпарат агенттігі.
Өнер иесінің айтуынша, реалити-шоу түсірілімі барысында қызметкерлер оның сырт келбеті мен артық салмағына қатысты мысқылдаған, сондай-ақ алдын ала ескертпестен үйіне фаст-фуд тағамын жеткізіп, оны шоу элементіне айналдырған.
Оқиға желіде кең талқыланып, қолданушылар дүкенге бойкот жариялауға шақырды.Көптеген әріптестері актрисаны қолдап, қызметкерлердің қарым-қатынасын сынға алды.
Косметика дүкенінің негізін қалаушы Жұлдыз Әкім актрисадан бетпе-бет кешірім сұрап, түсініспеушілікке жол берілгенін мойындады. Айшолпан Байтүгел тараптардың татуласқанын және мәселенің шешілгенін хабарлады.
