Индира Расылхан ел күтпеген мәлімдеме жасады
Отандық танымал әнші Индира Расылхан әншілікті тастап, өнерден кетуді жоспарлап отырғанын сөзге тиек етті. Шоу-бизнес өкілі өзінің өмірлік және еңбек бағытын түбегейлі өзгертпек ойында екен. Ол өзін бұрын көрсмеген басқа қырынан танытпақ .
Әнші Индира Расылхан ел күтпеген мәлімдеме жасап, барша жанкүйерлерін таңғалдыру үстінде. Өнер иесі бұдан былай әншілікпен емес, мүлдем басқа іспен айналыспақ екенін хабарлады. Бұл туралы ол өзінің Instagram әлеуметтік парақшасында айтқан.
"Өте маңызды, соңына дейін оқыңыздар. Осы күнге дейін менің әншілігімді, өнерімді бағалап келген әрбір жанға алғысым білдіремін. 23 жыл бойы сіздердің назарларыңызға біршама әндерді ұсындым және сіздер сүйіп тыңдадыңыздар деген ойдамын. Аллаға шүкір жақсы қабылдадыңыздар. Ендігі кезде менің өмірім мен еңбек бағытым түгелімен өзгеріп жатқанын сіздерге жеткізгім келеді. Біреуіңіз қимассыздар, біреуіңіз даттарсыздар, ал біреуіңіз менің жаңа бағытымды қабыл алып, мені қолдарсыздар деген сенімдемін. Ендігі уақытта халал тойлар мен адал жиындарға ғана баратын шығармын, әлі ойланудамын. Ал дайын болыңыздар!
