A.Z: Еркемен қосылуыма анам себепкер болды
811
Жақында жолдары екіге айырылған Азамат Зенкаев пен Ерке Есмаханның қарым-қатынасын халық басқаша қабылдады. Есесіне жақындары жақсы қабылдаған,- деп хабарлайды Opennews.kz ақпарат агенттігі “Жұлдыздар жұлдыздар жайлы” бағдарламасына сілтеме жасап.
Өнер иесінің сөзіне қарағанда, анасының Еркеге деген көзқарасы жақсы болған.
"Еркемен қосылуыма бірден-бір себепкер анам болды. Тек анам айтты екен деп олай істемейсің ғой. Өзімнен де болды. Бірақ соңында болмай қалды", - деп A.Z Еркеге шынайы ғашық болғанын мойындады.
Азамат экс-ғашығы Еркеден 9 жасқа кіші. Көпшілік түсінбегенімен, рэпердің өзі махаббаттың жасқа қарамайтынына сенімді. Болашақта өзінен кіші ару кездессе де, қарсы емес.
"Ең бастысы, адами тұрғыда сол адаммен ыңғайлы болса, онда тұрған не бар?" - деді ол.
"Мен негізі сезімге, махаббатқа жеңіл қараймын. Еркіндікті қатты жақсы көрмейтін адаммын. Маған отбасылық өмір қатты ұнайды. Тыныш үйде, көп шыққым келмейді. Әрдайым жұмысымды үйде істегенді ұнатамын", - деді Азамат.
Рэпер Еркемен ешқашан хайп жасамағанын кесіп айтты. Қазіргі таңда, жүрегінде сезім оты сөніп қалғанын, алдағы уақытта бар күшін шығармашылыққа жұмсайтынын айтты.
"Қарым-қатынасқа, отбасылық өмірге әзірге дайын емеспін. Әзірге сөніп қалды. Оны кім оята алады, кім оята алмайды, бір Құдай біледі. Қазіргі қалауым - тек жұмыс істеп, жетістікке жету", - дейді A.Z.
