"Жасына сай емес": Қысқа киім киген Айгүл Иманбаева сынға қалды

Әнші әрі актриса Айгүл Иманбаева бүгінде Черногория елінде демалып жүр. Өнер иесі саяхаты қалай өтіп жатқанын әлеуметтік желіде көрсетті. Алайда әртістің демалыстағы киім үлгісі оның оқырмандарына ұнамай қалған, деп хабарлайды Opennews.kz ақпарат агенттігі KAZ.NUR.KZ сайтына сілтеме жасап.

Айгүл Иманбаева Instagram парақшасында саяхаты кезіндегі суретін жариялап, елден сөз естіп қалды. Желі қолданушыларына әншіні тым қысқа киім киіп алғаны үшін қатаң сынға алған.

Оқырмандар Иманбаеваның образын тым ерсі деп санап, оған өз жасына сай киінуге кеңес берді.

Ал кейбір жандар әншіні жақтап шыққан. Олар эстрада жұлдызының киімінде тұрған ештеңе жоқ деп есептейді.

"Жасыңыз қырықтан асты, бұлай киінбесеңіз де болады ғой", "Болмаса тізеге дейін кимедіңіз бе? Әйел адам жасына сай киініп жүрген дұрыс", "Тізеден түсіп тұрғанда жақсы болар еді. Мынау енді ерсілеу екен", "Бекер салдыңыз. Мына киіміңіз ұят болды", "Несі жаман? Қыздайсыз әлі де. Жарасып тұр", "Елдің сөзіне мән бермеңіз. Сізге бәрі де болады", - деп жазуда оқырмандар.