"Қарсы келмейтін, орамал тағатын қыз керек" - Садраддин

Садраддин "Қызық Live" бағдарламасына сұхбат беріп, өзіне қатысты сауалдарға жауап берді, - деп хабарлайды  Opennews.kz ақпарат агенттігі.

Бағдарлама барысында әнші көптеген сауалдарға жауап берді. Ол қандай жандарды идеал көретінін, адаммен дұрыс амандасудың маңызын, әндерін неге орыс тілінде жазатынын баяндады. Айтуынша, жас әнші қарапайымдылықты жаны сүйеді. Сондықтан, тәкаппар, сәлемді дұрыс алмайтын кісілерді ұнатпайтынын айтып қалды. Шоу жүргізушілерінің "сүйген жаның бар ма?" деген сұрағына әнші:

"Қыз жоқ. Іздеп жатырмын. Анама қамқор болатын, үйдің тірліктеріне көмектесетін, орамал тағатын, шайын беретін, қарсы келмейтін қыз керек", - деп жауап берді.

Садраддин жасы қырықтан асса да, 18 жастағы жұбайы бар ер адамдарға қатты қызығатынын, болашақта өзі де сондай болғысы келетінін жеткізді.