RUB (0.00) 7.64 KZT
USD (-0.10) 462.65 KZT
EUR (+2.40) 477.55 KZT
Қоғам
73

Шымкентте адам саудасы тыйылар емес

2022 жылдың қаңтар – қыркүйек айларында елде адам саудасына байланысты 81 құқық бұзушылық тіркелді, - деп хабарлайды Opennews.kz ақпарат агенттігі.

Қылмыстың көп бөлігі жезөкшелікпен айналысу үшін притондарды ұйымдастыру немесе ұстау ісімен, сол сияқты жеңгетайлықпен байланысты: 44 жағдай, бір жыл бұрын 75 құқық бұзушылық (41,3%-ға аз) тіркелді.

Тағы 11 жағдай адам саудасы, 9 жағдай кәмелетке толмағандар саудасына, 8 жағдай кәмелетке толмағандарды жезөкшелікке тарту, 6 жағдай жезөкшелікпен айналысуға тартуға, 3 жағдай қанау мақсатында заңсыз бас бостандығынан айыруға тура келді.

Өңірлік бөліністе адам саудасына байланысты құқық бұзушылықтар Шымкентте жиі тіркелді. Өңір бойынша биыл 17 құқық бұзушылық тіркелді. Бұл өткен жылмен салыстырғанда 2,1 есе көп.

Екінші және үшінші орында Астана (13 құқық бұзушылық, бір жылда – 18,2%) және Алматы (12 құқық бұзушылық, 40%-ға көп) болды. Антилидерлердің бестігіне Қостанай (7 құқық бұзушылық, 40%-ға артық) және Қарағанды (5 құқық бұзушылық, минус 28,6%) облыстары да кірді.

Ал Ұлытау және Ақтөбе облыстарында бүгінге дейін бірде-бір құқық бұзушылық тіркелген жоқ.

Нақты жеке тұлғалар зардап шеккен құқық бұзушылықтарға қатысты республикада адам саудасының 9 жағдайы, кәмелетке толмағандарды жезөкшелікпен айналысуға тартудың 8 жағдайы, жезөкшелікпен айналысу үшін притондарды ұйымдастырудың немесе ұстаудың 6 жағдайы, кәмелетке толмағандар саудасының 5 жағдайы, жезөкшелікпен айналысуға тартудың 4 жағдайы тіркеліп отыр.

Адам саудасында көбіне әйелдер зардап шегеді (26 жәбірленуші). Зардап шеккен кәмелетке толмағандардың арасында 11 жасқа дейінгі 1 бала, 14-15 жас аралығындағы 3 бала және 16-17 жас аралығындағы 8 бала бар.

ҚР ІІМ елімізде адам саудасына қарсы іс-қимыл туралы заң жобасы талқыланып жатқанын хабарлады.

Жұмыс тобы заң жобасында қолданылатын негізгі ұғымдарды, заң жобасының қолданылу аясын, қағидаттарын, мақсаттары мен міндеттерін, адам саудасына қарсы іс-қимыл қызметін үйлестіру жөніндегі уәкілетті органдардың функцияларын, құқықтары мен міндеттерін, мемлекеттік органдардың, коммерциялық емес ұйымдардың құзыреттерін және басқа да мәселелерді талқылады.

Заң жобасының күшіне ену мерзімі анықталды: Әділет министрлігіне 2023 жылғы қаңтарда, Үкіметке 2023 жылғы ақпанда, Парламентке 2023 жылғы сәуірде енгізіледі.