Сәтбаевта гастрольде жүрген 18 жастағы цирк әртісі өлі табылды
220
Сәтбаевта гастрольде жүрген 18 жастағы цирк әртісі өлі табылды, - деп хабарлайды Opennews.kz ақпарат агенттігі.
Полицияның болжамына сүйенсек, қайғылы оқиға кезінде цирк Сәтбаев қаласында гастрольде болған 18 жастағы цирк әртісі өз-өзіне қол жұмсады. Алайда марқұмның туысқандары бұған сенбейтіндерін жеткізді.
«Аталмыш факт бойынша Сәтбаев полиция бөлімі ҚР ҚК-нің 105-бабы «Өзін-өзі өлтіруге дейін жеткізу» бойынша сотқа дейінгі тергеуді бастады. Тиісті сараптамалар тағайындалды, олардың нәтижелері бойынша процессуалды шешім қабылданатын болады», - делінген ресми хабарламада.
