Оң шешім үшін кәсіпкерден 1,5 млн теңге алған судья сотталды

Алматы облысының мамандандырылған ауданаралық экономикалық сотының судьясы Түменбаева алаяқтық үшін сотталды, деп хабарлайды Opennews.kz ақпарат агенттігі.

20 желтоқсанда Талдықорған қалалық сотының үкімімен Алматы облысының мамандандырылған ауданаралық экономикалық сотының судьясы Түменбаева алаяқтық жасағаны үшін 5 жылға бас бостандығынан айырылды. Оған өмір бойына мемлекеттік қызмет атқаруға тыйым салынды, - деді сыбайлас жемқорлыққа қарсы іс-қимыл агенттігі.

Туменбаева "Good Zhem" ЖШС басшысынан азаматтық іс бойынша оң шешім үшін 1,5 млн теңге алған.
Осы үкіммен Пак пара беруге оқталғаны үшін 4 жылға сотталды. Ол мемлекеттік қызметте және коммерциялық ұйымдарда қызмет атқару құқығынан өмір бойына айырылды.

Үкім заңды күшіне енген жоқ.