Сәбіз жұтып қойған сәби ауруханада көз жұмды

БҚО-да сәбіз жұтып, тыныс алу жолдары бітелген сәби қаза тапты, деп хабарлайды Opennews.kz ақпарат агенттігі.


1 жас жеті айлық сәбиді анасы сағат 13:20-да аудандық аурухананың жансақтау бөліміне жеткізген. Ол кезде бөбекте өмір сүру белгілері болмаған. Денсаулық сақтау басқармасының баспасөз қызметінің хабарлауынша, дәрігерлер сәбиге жүрек-өкпе реанимациясын жасаған. Алайда нәтиже болмай сағат 13:50-де баланың өлімі анықталған.

Дәрігерлер "Механикалық асфиксия. Тыныс алу жолдарының бөгде затпен жабылуы" диагнозын қойды. Ал сәбидің тынысын тарылтқан бөгде зат сәбіз болған.