Өзге қалада тұратын колледж студенттеріне үйіне қайту үшін өтемақы төленбек
205
Биылдан бастап колледж студенттеріне жолақысы бойынша өтемақы ешқандай құжат ұсынбай-ақ төленеді, деп хабарлайды Opennews.kz ақпарат агенттігі. Оқу-ағарту министрі Ғани Бейсембаевтың сөзінше, өтемақы алу үшін ешқандай құжат ұсынудың қажеті жоқ.
Биылдан бастап басқа қалада тұратын студенттерге ешқандай құжат ұсынбай-ақ демалыс уақытында жол жүру ақысы бойынша 4 АЕК көлемінде (13 800 теңге) өтемақы төленеді, – деді ол.
Бұған дейін жолақысы бойынша өтемақы колледжде күндізгі оқу формасында білім алатын студенттерге жылына екі рет төленіп келген. Қысқы және жазғы демалыста студенттердің барлығына 2 АЕК берілді. Алайда өзге қалаға барғанын растайтын құжат талап етілген. Сонымен қатар қалааралық такси қызметін пайдаланған студенттерге өтемақы төленбейтін.
