Қызылордада мектеп күзетшісіне бір айда заңсыз 6 млн теңге ақы төленген

582
Сондай-ақ облыс бойынша мектеп директорлары мен есепшілері бюджеттен жарты миллиард теңгеге жуық ақша жымқырғаны белгілі болды, деп хабарлайды Opennews.kz ақпараттық агенттігі Azattyq-News сайтына сілтеме жасап.



Бюджет қаражатын жымқыру деректері сыбайлас жемқорлыққа қарсы күрес іс-қимыл агенттігінің 2020-2021 жылдарға арналған тексеру кезінде анықталған. Заң бұзушылық деректерінің алтауы Жаңақорған ауданындағы мектептерде болған. Жауапты тұлғалар мектепте мүлде жұмыс істемейтін азаматтарға еңбекақы аударып келген. Сонымен қоса, қаладағы №112 мектептің күзетшісіне бір айда 6 миллион теңге үстемақы төлеген.

Тек бір ғана №51 орта мектеп бойынша ұрланған қаражат көлемі 117 миллион теңгені құрайды. Аталған құқық бұзушылықтар жауапты тұлғалармен еңбекақы қоры қаражаттарын төлеу барысында тиісті ақпаратты жүйелердің кемшіліктерін пайдалана отырып жасаған деген негіздер бар, – дейді жауапты ведомство өкілі Асылхан Ашықов.