Арнаулы әлеуметтік қызмет көрсету орталығында екі науқас асылып өлді
418
Түркістан қаласындағы 1-арнаулы әлеуметтік қызмет көрсету орталығында екі науқас бірінен соң бірі өз-өзіне қол жұмсап, асылып өлген, деп хабарлайды Opennews.kz ақпарат агенттігі. Басқарма мәліметінше, екі науқасқа да «шизофрения» диагнозы қойылған. Екеуі де 2-топ мүгедегі. Бірі – 60 жаста, екіншісі – 46 жаста. Екеуі де асылып қайтыс болған.
Екі адам да диагнозына сәйкес суицидке бейім. 60 жастағы азаматтың артынан 16 жылдан бері туыстары іздеп келмеген. Ал 46 жастағы азамат туыстарымен көрісіп тұрған, – делінген жұмыспен қамтуды үйлестіру және әлеуметтік бағдарламалар басқармасы хабарламасында.
Қайғылы оқиға туралы туған-туыстары мен құқық қорғау органдарына хабар берілген.
Полиция бұл туралы әзірге ақпарат бермеді.
