Қызылордада автокөліктегі өрт оқиғасының алдын алуға байланысты іс шара өтті

Қызылорда қаласы аумағы бойынша 2023 жылдың 2 айында қала көлемінде автокөліктерде 12 өрт оқиғасы тіркелген, деп хабарлайды Opennews.kz ақпарат агенттігі.

Қызылорда қаласы Төтенше жағдайлар басқармасының қызметкерлері Қызылорда қаласы Полиция басқармасы, Қызылорда волонтерлары еріктілерімен бірлесіп автокөліктегі өрт қауіпсіздігі бойынша профилактикалық үгіт-насихат жұмыстарын жүргізді.

Өрттің шығу себебі – көп жағдайда автокөлік иелерінің өрт қауіпсіздік ережелерін сақтамауын орын алуда. Автокөліктегі электр жабдықтары, жанар-жағар май мен синтетикалық материалдар тез тұтанып, жылдам жанады. Соның нәтижесінде көлік санаулы үш-төрт минуттың ішінде жалынға оранып үлгереді. Электр жабдықтарының бұзылуы, жанар-жағар май жүйесінің ақауы, салонда шылым шегу, сайып келгенде көлік иесінің машинадағы өрт қауіпсіздігіне салғырт қарауы – көліктегі өрттің басты себебіне айналып отыр.