Жекеменшік мектептің 1,5 мыңнан астам оқушысы оқулықсыз білім алуда

1 266

Ақтөбеде оқу жылының басталғанына 3 аптадай уақыт өтсе де, жекеменшік мектептің 1500-ден астам оқушысы кітапсыз отыр, - деп хабарлайды "Opennews.kz" ақпарат агенттігі 24.kz-ке сілтеме жасап.


Ал биыл салынған білім ұясы ресми түрде желтоқсаннда пайдалануға берілуі тиіс еді. Бірақ Батыс-2 тұрғындар алабындағы орын тапшылығынан мұнда сабақтар қыркүйекте басталып кеткен. Тиісінше, мұндай аяқасты өзгерістер оқулықтың тапшылығына әкелген.


Қазір мұнда 3 700 бала тегін білім алып жатыр. 2 мыңнан аса оқушы басқа мектептердің қорында бар кітаптармен қамтылған. 


"1 ай күтеміз. Өйткені оқулықтарға тапсырыс береміз, келісімшарт жасау керек. Олар басылу керек және оларды әкелу керек. Ол деген бірталай уақыт алады. Келесі жылы осындай жағдай болмайды. Себебі жеке мектеп өз қаражатын қарастырып, толығымен контингент анализ жасап, толығымен қамтылады", - деді облыстық білім басқармасының бөлім басшысы Ләззат Ордабаева.