Бұдан былай қазақстандықтар әскери қызметті кейінге қалдыру туралы анықтаманы онлайн ала алады

Министр Бағдат Мусин енді қазақстандықтардың әскери қызметті кейінге қалдыру немесе босату туралы анықтаманы телефон арқылы ала алатынын айтты, деп хабарлайды Opennews.kz ақпарат агенттігі.




Бұл туралы министр өзінің Facebook желісіндегі парақшасында жариялады. Онда 1 наурыздан бастап бұл қызмет күшіне енетіні айтылған.

Бірнеше ай бұрын мен астаналық әскери комиссариаттардың бірінде болдым. Онда біз Қорғаныс министрлігінің өкілдерімен бірге осы саланы цифрландыру жоспарын талқыладық, Тапсырмалардың бірінде әскерге шақырудан босату немесе кейінге қалдыру туралы куәлік алу үшін қажетсіз шабыстан құтылу болды. Ол үшін бірнеше жүйені өзара біріктіріп бүгінде нәтижелерге жеттік. Енді ағымдағы жылдың 1 наурызынан бастап барлық анықтамалар мен құжаттарды ұсынбай-ақ, әскери қызмет туралы мәртебеңізді алдын ала білуге болады, - деп жазды министр.

Осылайша "Ұлттық ақпараттық технологиялар" АҚ мен Қорғаныс министрлігі қазақстандықтарды әскерге шақырудан босату және кейінге қалдыру туралы ақпарат беру үшін белсенді мемлекеттік қызметті іске қосты.

Министрдің сөзінше бұл хабарламаны ұялы телефондар базасына тіркелген қазақстандықтар ғана ала алады. Бүгінде 1414 нөмірінен 300 мыңнан астам әскери жастағы азамат SMS хабарлама алған.

Бұл жоба көзге көрінбейтін мемлекеттік жүйені енгізу жолындағы тағы бір қадам, - деп түйіндеді Бағдат Мусин.