Әскери институтта 1 курс курсанты қаза болды
1 921
Алматыда Құрлық әскерлерінің әскери институтында курсант қайтыс болды, деп хабарлайды Opennews.kz ақпарат агенттігі. Қорғаныс министрлігінің мәліметінше көз жұмған курсант 1-курста оқыған.
2023 жылғы 3 наурызда Құрлық әскерлері Әскери институтының оқу орталығының қарауыл постында 1-курс курсантының мәйіті табылды, – делінген хабарламада.
Аталған жайт бойынша сотқа дейінгі тергеу басталған. Сонымен қатар оқиғаның мән-жайын анықтауға Құрлық әскерлері бас қолбасшысының бірінші орынбасарының бастауымен арнайы комиссия жіберілген.
Қылмыстық-процестік кодексінің 201-бабына сәйкес өзге ақпарат тергеу мүддесі үшін жария етуге жатпайды, – деп қосты министрлік өкілдері.
