Ұялы телефон үшін жанжалдасқан оқушы мұғалімді "кәрі жезөкше" деп тілдеген

Ақтөбеде №53 мектептің 10-сынып оқушысы ұялы телефон үшін мұғалімді қорлаған, деп хабарлайды Opennews.kz ақпарат агенттігі.



Жанжал кезінде мектеп оқушысы мұғалімді "кәрі жезөкше" деп тілдеген. Мұндай қорлыққа шыдай алмаған мұғалім оқушыны шапалақпен тартып жіберген. Мұғалімнің әрекетін оқушылар видеоға түсіріп алыпты.

Ақтөбе қалалық білім бөлімі жанжал  алгебра сабағында ұялы телефонға байланысты туындағанын мәлім етті.

Мектеп әкімшілігі бұл факт бойынша мұғаліммен және оқушымен сөйлесті, екі тарап бір-бірінен кешірім сұрады. Математика пәнінің мұғалімі 21 ақпаннан бастап денсаулығына байланысты демалыста, үйінде ем қабылдап жатыр. Осы сыныптың ата-аналары мен оқушылары математика пәнінің мұғалімінен мектепте жұмыс істеуін сұрайды, - деп түсіндірді қалалық білім бөлімінің басшысы Меткүл Қосымбаева.