19 жастағы бойжеткенді жезөкшелік үшін 250 мың теңгеге сатқан
Петропавлда 19 жастағы бойжеткенді сатқан Ақмола облысының тумасы ұсталды, - деп хабарлайды "Opennews.kz" ақпарат агенттігі.
ҚР Ұйымдасқан қылмысқа қарсы күрес департаментінің бастығы Қанат Нұрмағамбетов күдікті әлеуметтік желі арқылы кәмелетке толмаған, тұрмысы нашар және толық емес отбасынан шыққан, материалдық жағдайы қиын қыздарды іздегенін айтты.
Петропавл қаласында адам саудасымен және оларды пайдаланумен айналысқан Ақмола облысының тумасы ұсталды.Мәселен, жедел-іздестіру іс-шараларын жүргізу барысында күдіктінің интернет және әлеуметтік желілер арқылы материалдық жағдайы ауыр қыздарды, оның ішінде қолайсыз және толық емес отбасылардан шыққан кәмелетке толмағандарды іздеумен айналысқаны анықталды, - деді ол.
Олар қылмыстық мақсаттарын жүзеге асыру үшін қыздармен танысып, жұмыс іздеуге көмек көрсету сылтауымен алдау және сенімін пайдалану арқылы Петропавл қаласына шақырады.
Қыздар келгеннен кейін оларға психологиялық қысым жасап, қарсылығын басып, қорқытып және физикалық зорлық-зомбылық көрсетіп, жыныстық қанау мен саудаға пайдаланған. Аталған схема бойынша күдікті Қостанай қаласының 19 жастағы тұрғынын жалдап, оны одан әрі қаладағы сауналар мен қонақ үйлерде жыныстық пайдалану үшін 250 мың теңгеге сатты. Бұл факт ҚК-нің 128-бабы 1-бөлігі-адам саудасы бойынша СДТБТ-да тіркелген. Қажетті көмек көрсету үшін жәбірленуші баспанаға орналастырылды, - деді Нұрмағамбетов.
