14 жастағы қызды зорлаған ер адам 20 жылға сотталды
48 жастағы ер адам 14 жастағы қызды зорлаған. Павлодар облысының қылмыстық істер жөніндегі мамандандырылған ауданаралық сотында педофилге үкім шықты, - деп хабарлайды "Opennews.kz" ақпарат агенттігі.
Сот отырысы жабық режимде өтті. Прокурордың мәліметінше, сантехник-слесарь екі қызды көшеде кездестіріп қалған. Олар ер адамның күшігіне қызығып, уақытша сұрап тұрады. Мектеп оқушылары күшікті алады, бірақ сол күні кешке оны қайтару үшін біреуі жалғыз келген.
Мас адам оны пәтерге кіргізіп, күш көрсеткен. Кешкі уақыттан таңға дейін ер адам жасөспірімді бірнеше рет зорлаған. Сонымен бірге ол жәбірленушінің телефонына видео да түсірген. Сол видео тергеуде негізгі дәлел болды.
Тергеу барысында ер адамның бұрын 6 рет сотталғаны белгілі болды. Ол 20 жылға бас бостандығынан айырылды.
