Қазақстанда жеңілдетілген несие алу үшін малды чиптеу міндеттелмек

Қазақстанда жеңілдетілген несиелерді чиптелген малға ғана беру жоспарланып отыр, ақпаратты Ауыл шаруашылығы вице-министрі Аманғалий Бердалин мәлімдеді,- деп хабарлайды Opennews.kz ақпарат агенттігі Stan.kz сайтына сілтеме жасап.

Министрлік тікелей субсидияларды кезең-кезеңімен қысқартып келеді (кейінгі екі жылда 23 түрінен бас тартылған) және жеңілдетілген несиелеу жүйесіне көшіп жатыр. Енді қаржы алу үшін фермерлер кооперативтер арқылы малын өз қаражаты есебінен сәйкестендіріп, чип орнатуға тиіс.

Қазір министрлік малдың есебін жүргізетін ескі деректер базасын жаңа орталыққа ауыстырып жатыр. Чиптеу – мал басын нақты есепке алудың негізгі тәсілі ретінде қарастырылып отыр. Ауыл шаруашылығы министрлігі таратқан мәлімет бойынша, бүгінде агроөнеркәсіптік кешендегі субсидияның жалпы берешегі 341,3 млрд теңгеге жеткен. Оның 152,2 млрд теңгесі несие пайызын субсидиялауға тиесілі екен.