Базарда сатушыны балағаттаған зейнеткер істі болды

Шығыс Қазақстан облысында зейнеткер  базарда балағат сөз айтқаны үшін әкімшілік жауапкершілікке тартылды, - деп хабарлайды "Opennews.kz" ақпарат агенттігі.

Шығыс Қазақстанның Шемонаиха қаласының екі тұрғыны жергілікті базарда жанжалдасып қалған. Онда екі әйел де сатушы болып жұмыс істейді.

YK-news басылымының жазуынша, саудагерлердің бірі екіншісін балағат сөздермен қарғаған.

Зейнеткерге қатысты полицейлер әкімшілік құқық бұзушылық туралы хаттама толтырды. Іс сотқа жіберілді. Кейін зейнеткер Шемонаиха аудандық сотына шақырылып, ол ҚР ӘҚБтК-нің 434-бабы "Ұсақ бұзақылық" бойынша теріс қылық жасағаны үшін кінәлі деп танылды. Әйелге 12 075 теңге айыппұл салынды.

Еске салайық, 7 наурызда Қазақстанда әдепсіз сөздер үшін жазаны қатайтатын Әкімшілік құқық бұзушылық туралы кодекске түзетулер күшіне енді. Азаматтарға 69 мың теңге көлемінде айыппұл салынуы мүмкін.