Ауыл тұрғынын балағаттаған әкім жазаланды
126
Жетісу облысы Алакөл ауданы Үшарал ауылының әкімі тұрғынды балағаттағаны үшін қатаң сөгіс алды, - деп хабарлайды "Opennews.kz" ақпарат агенттігі.
2023 жылдың мамыр айының ортасында әлеуметтік желіде жергілікті тұрғын мен әкім Мақсұт Сайділдиновтың әңгімесінің бейнежазбасы пайда болды. Видеода әкім бейәдеп сөздер айтқан.
26 мамырда Жетісу облысының Мемлекеттік қызмет істері департаменті жергілікті белсенді азаматтардың арызынан кейін қызметтік тергеуді бастады. Оның қорытындысы бойынша 31 мамырда аталған департаменттің Әдеп жөніндегі кеңесі әкімге жаза қолдануды ұсынды.
6 маусымда Алакөл ауданының әкімі Алмас Әбдінов жергілікті тұрғындарға дөрекілік танытып, балағат сөздер айтқаны үшін Сайділдиновке қатаң сөгіс жариялады.
