2024 жылдан бастап қандай әлеуметтiк төлемдердiң мөлшерi көбеймек?
445
2024 жылғы 1 қаңтардан бастап еңбекке қабілеттіліктен айырылу және асыраушысынан айырылу жағдайлары бойынша төленетін әлеуметтік төлемдер өседі, - деп хабарлайды "Opennews.kz" ақпарат агенттігі.
Тиісті үкімет қаулысы "Ашық НҚА" порталында жарияланды.
"2024 жылғы 1 қаңтарға дейін Мемлекеттік әлеуметтік сақтандыру қорынан тағайындалған еңбекке қабілеттіліктен айырылу және асыраушысынан айырылу жағдайлары бойынша төленетін әлеуметтік төлемдердің мөлшерлерін 2024 жылғы 1 қаңтардан бастап алатын әлеуметтік төлемдердің мөлшерінен 7 пайызға арттыру жүргізілсін", - делінген құжатта.
Қаулы 2024 жылғы 1 қаңтардан бастап қолданысқа енеді.
Құжат 15 қыркүйекке дейін қоғам талқысына шығарылды.
